Në prag të zgjedhjeve parlamentare në Serbi, Bashkësia Islame e Kosovës zhvillon një takim me kryetarët e partive politike shqiptare të Luginës së Preshevës.
Takimi synon të shërbejë si një mundësi për dialog, bashkëbisedim dhe shkëmbim mendimesh lidhur me zhvillimet aktuale politike, pozitën e shqiptarëve në Luginën e Preshevës dhe sfidat me të cilat përballen ata në këtë periudhë.
Në fokus të diskutimit ishte rëndësia e përfaqësimit politik të shqiptarëve, ruajtja e unitetit dhe bashkëpunimit ndërmjet subjekteve politike, si dhe çështjet me interes të përbashkët për komunitetin shqiptar në Preshevë, Bujanoc dhe Medvegjë.