Siria ka njoftuar sot se ka njohur Republikën e Kosovës si shtet.
Ministria e Punëve të Jashtme dhe të Emigrantëve tha në një deklaratë sot: “Në kryeqytetin Riad u mbajt një takim trepalësh që përfshinte Republikën Arabe të Sirisë, Mbretërinë e Arabisë Saudite dhe Republikën e Kosovës, gjatë të cilit u diskutuan mënyrat për forcimin e marrëdhënieve dhe mirëkuptimit të ndërsjellë, përfshirë çështjen e njohjes reciproke dhe hapjen e horizonteve të bashkëpunimit dypalësh.”
Në deklaratë, shtohet më tej: “Në këtë kontekst, Republika Arabe e Sirisë shpall njohjen e saj zyrtare të Republikës së Kosovës si shtet të pavarur dhe sovran, duke u nisur nga besimi në të drejtën e popujve për vetëvendosje dhe nga kujdesi për forcimin e parimeve të paqes dhe stabilitetit në Ballkan dhe në botë.”